Heilsa

Var að horfa á Oprha .... þar var mjög athyglisverður þáttur um heilsu. Þar var talað um fitu á maganum (svo kallaða þarmanetju) sem er stórhættuleg. Viðmælendur Oprhu voru tveir læknar, sem gerði þennan þátt trúverðungan. Þeir sögðu þarmanetjuna jafn hættulega og krabbamein. Ég ákv. að kynna mér þessa doksa betur og fann alveg frábæra heimasíðu http://www.realage.com/doctorcenter/intro.aspx þar sem þeir eru að kynna bókina sína, YOU: on a diet.
Ég held að maður hugsi alltof lítið um mataræði og heilsu.... maður er alltaf að horfa á ytra útlitið!! komast í gömlu gallabuxurnar!!

Flandur

Við mæðgur komum suður á morgun! ...og verðum í heila viku :)
Ég fer í augnbotna myndatöku á fimmtudag og síðan verð ég á námskeiði mánudag og þriðjudag í næstu viku á vegum vinnunar.
Ég var að taka saman ferðalög mánaðarins hjá mér..... um síðustu helgi var ég á Akureyri, er að fara suður á morgun, helgina 17. er árshátíð hjá vinnunni í Rvík. og helgina þar á eftir önnur ferð suður í fermingu..... sem sagt... ekki ein heil helgi heima hjá mér þennan mánuðinn !!
Geri aðrir betur :)

Bjartsýni

Bjartsýni er plástur á svo margt. Ég hef komist að því að bjartsýni hjálpar þegar manni sýnist allt vera að fara til fjandans. Það vill svo til að ég hef þurft á mikilli bjartsýni að halda síðustu vikur.....augun mín hafa verið að bregðast mér en ég hef leikið Pollý Önnu leik á hverjum degi til að halda sönsum og það hefur skilað sér svo um munar. Ég er líka svo heppin að eiga góða vini og fjölskyldu sem eru óspör á hrós, huggun, hvatningu og stuðning. Í dag fékk ég stuðning úr annari átt sem gerir mig enn bjartsýnni..... námsráðgjafinn í HA og kennararnir mínir eru allir tilbúnir að aðstoða mig og sýndu mér mikinn skilning í þessari krísu minni. Það að hafa allan þennan stuðning og hvatningu er mér mikils virði......
Svo TAKK ALLIR :)

Betur sjá augu en auga !

Var þetta ekki einhvern vegin svona? Já, augun eru heldur betur búin að vera að trufla mig þessa dagana. Þetta er orðið svo slæmt að ég er farin að ganga með derhúfu í vinnunni (sem er nótabene ekki mjög traustvekjandi fyrir kúnnana .... að sjá þjónusturáðgjafann sinn með derhúfu á hausnum). Flúorljósin eru svo björt og stingast í augun á mér og þegar ég var að kvarta benti vinnufélagi minn mér á að nota derhúfu (í gríni).... og það svín-virkaði!! en ég er nú samt búin að tala við augn-doksa um það að fá dekkri gleraugu til að vinna með .... hehe, hvað ætli kúnnin segji þá .... þjónusturáðgjafinn kominn með sólgleraugu í vinnunni!!!

Undirmeðvitund

Ég er talin þrjóskari en andskotinn og viðurkenni það fúslega að það er mjög erfitt að snúa mér þegar ég hef bitið eitthvað í mig. Flestir sem reyna að sannfæra mig um eitthvað annað en það sem ég held fram (nema þeir sem hafa skothelda sönnun fyrir því) enda oftast á því að hrista hausinn og labba í burtu.
Það er aðeins "ein" sem mér reynist rosalega erfitt að rökræða við....og oftast tapa ég þeim rökræðum. Það er þessi bölvaða undirmeðvitund sem er svo ótrúlega sannfærandi.... þegar hún segir ,,hva, eitt lítið súkkulaði stk. eyðileggur ekkert átakið þitt" eða ,,hvernig væri nú að slappa svolítið af og fá sér einn bjór og sígó" eða ,,æj, förum í göngutúr á morgun". Það fer svakaleg orka í þessa baráttu. Þá er bara að setja upp boxhanskana og berjast.

Urrr....

Það er búið að vera mikill pirringur í gangi .... ég er í tölfræði-áfanga sem er svo illa kenndur að allir (miða við umræðuna á WebCT (töfuforrit fyrir skólann)) standa á gati !! það endaði með því að ákveðna konan ég fékk mig fullsadda og sendi kennaranum og umsjónarmanni tölvupóst og húðskammaði þá !!!!!!! já ég lét þá heyra það (mjög kurteis samt). Í morgun beið mín tölvupóstur frá umsjónarmanninum (ekki heyrt múkk frá kennaranum, efast reyndar um að hann kunni á tölvupóst) þar sem hann biður mig um að hringja í sig til að ath. hvernig bæta megi kennsluna ??!!! á nú eggið að fara kenna hænunni ?!! ég sem er búin með einungis eina önn í fjarnámi ?!! ekki það að ég hafi ekki skoðanir á þessari kennslu (og mun sko sannarlega láta þær í ljós), hélt bara að þegar boðið væri upp á fjarnám væri búið að þjálfa kennarana í þesskonar kennslu ??!!!

Bindindi

Ætli þetta orð sé nýyrði ? ætli fyrir svona 100 árum hafi fólk farið í bindindi ?
Ég hef alltaf verið að hugsa um bindindi ..... hætta þessu og hætta hinu....en auðvitað hætti ég aldrei neinu !! Þá ákvað ég að prufa dálítið annað.....plata sjálfan mig og .....byrja á einhverju :) ...og, hehe... ég held bara að það hafi tekist !! ég er byrjuð að hreyfa mig meira, borða hollara og anda að mér hreinu lofti alla sólahringinn :) þetta er ég búin að gera í rétt tæpar tvær vikur og gengur svona þrusu vel ! það fyndnasta við þetta allt, er að auðveldast er að byrja að anda að sér heina loftinu.
Ég skora á alla að hætta að hætta og fara frekar að byrja á einhverju.

Fjölskyldufyrirtækið ?!!

Ég hef oft velt því fyrir mér að byrja að reka heimilishaldið eins og hvert annað fyrirtæki. Hef ég þá oftast verið að spegúlera í fjármálunum (I wonder). En hvað með allt hitt.... það eru starfsmenn í fyrirtækjum og þeir hafa hvert sitt hlutverk, er það ekki líka svo í venjulegri fjölskyldu ? Fyrirtæki eiga eignir sem halda þarf við og til þess er eyrnamerktur peningur á ári hverju. Gera venjuleg heimili það ? Bókhaldið hjá fyrirtækjum fer eftir ströngum reglum, en hvað með heimilisbókhaldið ?? Þetta er spurning um að reka heimilið alltaf í tapi ... eða að fara gera það út eins og hlutafélag, þar sem allir fjölskyldumeðlimir eru hluthafar og starfsmenn sem vilja vinna saman að því að reka heimilið þannig að af því skapist hagnaður !!

Sé ekki "rassgat"

Ég sé, en sé samt ekki !! hvernig í andsk. fer maður að því að útskýra þetta fyrir öðrum ? ég gefst hreinlega upp !!! Það fer rosalega í pirrurnar á mér þegar ég er að reyna að útskýra fyrir fólki að það sé eitthvað að mér í augunum.....hvernig getur eitthvað verið að mér þegar ég get gert alla hluti ?? það vill bara svo til að ég get gert allt sem ég vil ...EN ÞAÐ TEKUR BARA MIKLU MEIRI ORKU FRÁ MÉR ...en það gerir hjá heilbrigðu fólki !!!
Augnun mín eru í einhverju flippi þessa dagana, reyndar búin að vera í rugli í rúma viku :( En ljósi punkturinn í þessu er nú samt sá að yfirleitt gengur þetta yfir og skemmir ekkert útfrá sér (vonandi). Þá er bara að bíða.... en á meðan bíða líka lexíurnar og það er ekki gott. Ég er komin svo á eftir í skólanum að ég veit hreinlega ekki hvað ég á að gera.

Bara ljúft

Já... það er bara ljúft að sita fyrir framan imbann með öl í hönd og horfa á Liverpool skora tvö mörk á fyrstu 20 mín. á móti Chelse :) og ekki leiðinlegt að hafa pabba við hliðina á sér jafn spenntann !! við erum búin með sitthvorn ölinn og erum bara í góðum gír fyrir kvöldið ... og ef þetta eru fyrirheit um framhaldið, þá verður þetta frábært dagur :)

Þá er komin helgi

Jæja þá er þessi vinnuvika loks á enda.... ég vann að vísu bara tvo daga :) en var heima hjá veikri skvísu fyrripart viku, hún segist hafa verið með strumpakokka :)

Það er þorrablót á morgun og það á að taka á því.... síðasta fylliríð í einhvern tíma, það því víst lítið að ætla að hætta að reykja nema sleppa búsinu !! Ætli það verði ekki lítið dansað annað kvöld... pabbi skakkur eftir útafakstur og ég eftir að hafa tekið nokkur dansspor hér fyrir utan heimilið mitt (á rassinum), en kanski verður maður orðinn vel smurður af gin-í-greip að maður geti tekið nokkra snúninga með pabba.

Ég verð að játa á mig glæp !!! ég geymdi bóndadeginum :( enginn morgunmatur í rúmið né neitt xxx !! en ég held ég sleppi samt ... því ég er búin að demba tveimur kjúllum í ofninn fyrir kallana mína :) sem nótabene þurfa athygli mína NÚNA......

Túrílú

Þá er að byrja

Halló .....
þá er að leggja í´ann ..... þetta verður nú bara til prufu, það kemur í ljós hvort ég nenni þessu :)

Hef mikið spáð hvernig blogg þetta verður og hallast á að það verði svona allt múligt-blogg. Fréttir af mér og mínum, ausið úr skálum gleði, sorgar, skemmtilegheits, pirrings o.s.frv. að ógleymdu veðrinu ;)

Mín er búin að ákveða að leggjast í heilsurækt á þessu ári. Er að stúdera danska-kúrinn, hætti að reykja á sunnudag og síðan verður græjunni minni misþyrmt á hverjum degi (Cross Trainer). Ég hef aldrei verið eins einbeitt og nú í ,,heilsubætun" og er sannfærð um að ég get þetta !!!

Búin að skrá mig í þrjá kúrsa núna eftir áramót (hjá HA), verð í Rekstrarhagfræði, Tölfræði og Ársreikningi.... náði að kaupa allar skruddurnar notaðar og borgaði ca. 10þús fyrir allar, spara líklega 10þús ..hehe.. vel sloppið !!

Hlakka til að sjá hvernig þessu bloggi mínu verður tekið :)